Kon Sa Ghar Ke E Jan Nahin Kashana Tera - Bedam Shah Warsi R.A.

Kon sa ghar ke ay Jan nahin Kashana tera,
Aur Jilo khana tera!
Mekada tera he Ka'ba tera Butkhana tera,
Sab he Janana tera!
Tum kisi shakal men ho, men tera Shaydai
hun,
Tera Saudai hun
Tu agar Sham'a he ay Dost men Parwana tera,
Ya'ni Diwana tera!
Mujhko bhi Jam koi Pir e Kharabat mile,
Teri Khayrat mile!
Ta-Qiyamat yun hi jari rahe paymana tera,
Rahe Maikhana tera
Teray darwaze pe hazir he teray dar ka faqir,
Ay ameeron kay ameer!
Mujh pe bhi ho kabhi altaf-e-karimana tera,
Lutf-e-shahana tera!
Sadqa Mekhane ka Saqi! mujhe behoshi de,
Khud-faramoshi de!
Yun to sab kehte hen Bedum tera mastana
tera,
Ab hun Dewana Tera!

SHARE IT

Bedam Shah Warsi Kalam

Khud apne Jalwa-e-Hasti ka mubtala hoon Main ..
Na Muddayi hoon na kisi ka Mudduaa hoon Main ..

Junoon-e-Ishq ki nerangiyaan are tauba ..
Kabhi Khuda aur kabhi Banda-e-Khuda hoon main ..

Badalti rehti hai duniya mere Khayalo ki ..
Kabhi Mila hoon kabhi Yaar se juda hoon Main ..

Main mit gaya hoon to phr kis ka naam hai BEDAM ..
Woh mil gaye hai to phr kis ko dhoondta hoon Main ..

SHARE IT

Kalam E Bedam - Wo Mera Raaz Hai Main Raaz Uska

Sarapa Mud Dua Hai Main Nahi Hon,Koi Dum Ki Hawa Hai Main Nahi Hon.
Wo Mera Raaz Hai Main Raaz Uska,Samajhlo Baat Kya Hai Main Nahi Hon.
Na Samjho Kuch To Sab Kuch Main Hi Main Hon,Agar Samjho Khuda Hai Main Nahi Hon.
Koi Kya Puchta Hai Main Nahi Hon,Aik Aena Numa Hai Main Nahi Hon.
Bana Kar Khud Hi Mitti Ki Murat,Wo Khud Hi A Basa Hai Main Nahi Ho.
Khuda jane K Ye Kis Ki Sada Hai,Jo Mujh Me Bolta Hai Main Nahi Hon.
Bura Ho Ya Bhala Hoga Mera Kya,Khuda Khud Janta Hai Main Nahi Hon.
Kabhi Sajid Kabhi Maqsood Hon Main,Phir Us Par Ye Maza Hain Main Nahi Hon.

SHARE IT